Cd-762
លិង្គក្នុងជំនឿអ្នកស្រុកនៅអង្គរបុរី
តើក្នុងកែវភ្នែករបស់មនុស្សខ្មែរ នាសម័យទំនើបក៏ដូចជាបុរាណកាល លិង្គត្រូវបានគេចាត់ទុកថាជាអ្វីទៅ ? លិង្គគឺជាប្រដាប់ភេទត្រូវបានមើលឃើញតាំងតែពីសម័យបុរាណកាល ថាជានិមិត្តរូបនៃការបន្តពូជពង្សវង្សត្រកូល ។ ប៉ុន្ដែវាក៏នៅមានលក្ខណៈអាថ៌កំបាំងខ្លះដែរត្រង់ថា នៅពេលដែលប្រដាប់ភេទ ត្រូវចុះទន់ខ្សោយ ដោយប្រការណាមួយនោះ អ្នកស្រុកខ្លះនៅស្រុកព្រៃកប្បាសរមែងតែឆ្លាក់លិង្គឈើ ដើម្បីយកទៅបន់ស្រន់ខ្មោចដូនតា ដើម្បីឲ្យប្រដាប់ភេទនោះមានភាពជាប្រក្រតីដូចគេឯងឡើងវិញ ។ នៅតាមខេត្តមួយចំនួនទៀតក៏ដូច្នេះដែរ ។ ដោយឡែកអ្នកស្រុកនៅខេត្តកំពង់សោម ក៏មានជំនឿថា ការយកលិង្គទៅថ្វាយ យាយម៉ៅពិតជាអាចព្យាបាលភាពអសកម្មខាងផ្លូវភេទ ឬការមិនមានកូនបានដែរ ។ អ្នកស្រុកដែលយកលិង្គឈើមកថ្វាយលោកយាយម៉ៅ បាននិយាយព្រមៗគ្នាថា យាយម៉ៅស័ក្តិសិទ្ធិណាស់ទើបគេនាំគ្នាមកពីឆ្ងាយជិត យកលិង្គមកថ្វាយ ៕ (ម.ត្រាណេ)
